Լուսադիոդներով աշխատող՝ էներգիան խնայող լամպերը կարող են վնասել աչքի ցանցաթաղանթը և կուրություն առաջացնել: Այս լամպերն 85 %-ով ավելի քիչ էներգիա են օգտագործում, քան սովորականները և կարող են 10 տարի ծառայել: Լամպեր վաճառող Philips խոշորագույն ընկերությունն օրերս հայտարարել է, որ նման լամպերի վաճառքը 38 %-ով ավելացել է:
Դրանք արդեն լայնորեն կիրառվում են բջջային հեռախոսների, հեռուստացույցների, մոնիտորների մեջ, ինչպես նաև կարող են տներ լուսավորել: Լուսադիոդներն ավելի թանկ արժեն, քան ավանդական լամպերը, սակայն արտադրողները պնդում են, որ սպառողները դրանք գնելիս գումար են տնտեսում, քանի որ այդ լամպերը կարող են տասը տարի ծառայել և ավելի քիչ էներգիա օգտագործել:
Լուսադիոդներով լամպերի օգտագործումից ի վեր մարդիկ սկսել են գանգատվել տհաճ ախտանիշներից՝ սառը գույն, մաշկի քոր և գլխացավ: Մասնագետները պարզել են, որ այս լամպերը կապույտ և մանուշակագույն սպեկտորի կարճ ալիքներ են արձակում: Դրանց լույսի մշտական ազդեցությունը կարող է վնասել աչքի ցանցաթաղանթը:
