Հռոմի պապ Ֆրանցիսկոսը Հավանայում Համայն Ռուսիո պատրիարք Կիրիլի հետ հանդիպման ժամանակ հայտարարել է՝ «մենք եղբայրներ ենք»: Այս մասին հաղորդում է RIA Novosti-ն՝ վկայակոչելով Վատիկանի պատվիրակությունում գտնվող աղբյուրին:
«Հանդիպման ժամանակ Պապը Կիրիլին մի քանի անգամ ասել է՝ «մենք եղբայրներ ենք»: Այդ հանդիպումն Աստծո կամքով էր»,- հայտնել է աղբյուրը:
Նշվում է, որ «վերջապես, մենք եղբայրներ ենք» բառերն ասվել է իսպաներեն լեզվով: Կիրիլը ռուսերենով պատասխանել է. «Այժմ ամեն ինչ հեշտ է»: «Ակնհայտ է, որ սա Աստծու կամքն է»,- հավելել է Ֆրանցիսկոսը:
Հանդիպման մեկնարկին Ռուս ուղղափառ եկեղեցու առաջնորդն ու Հռոմի պապը միմյանց եղբայրաբար համբուրել են և գրկախառնվել: «Մենք ճիշտ ժամանակին ենք հանդիպում»,- նշել է Կիրիլը: «Մեր սրտերում մեծ ակնկալիքներ կան այս զրույցից»,- ի պատասխան ասել է Ֆրանցիսկոսը:
