Եվրոպայում արագությամբ «թափ է առնում» հոռետեսությունը և եվրաինտեգրման ապագային չհավատալը: Միայն վերջին տարում ճգնաժամի պատճառով ԵՄ երկրներում եվրաինտեգրման կողմնակիցների թիվը60-ից իջել է 45 տոկոսի: Այս մասին վկայում են Բրյուսելում հրապարակված հանրային կարծիքի հետազոտության արդյունքները, որն իրականացրել է ԱՄՆ Pew հետազոտական կենտրոնը ԵՄ 8 երկրներում՝ Գերմանիա, Ֆրանսիա, Մեծ Բրիտանիա, Իսպանիա, Իտալիա, Հունաստան, Լեհաստան, Չեխիա: Այս մասին հաղորդում է ITAR-TASS-ը:
Այս առումով, ամենից նշանակալի անկումը գրանցվել է Ֆրանսիայում (41 տոկոս): Ամենից լավատեսները գերմանացիները և լեհերն են (60 տոկոս): Հունաստանի բնակիչներից միայն 33 տոկոսն են Եվրամիությունը «օգտակար» համարում: Չեխիայում այս առումով հոռետեսները 38 տոկոս են կազմում:
«Եվրամիությունն ամրացնում է եվրոպական տնտեսության հիմքերը». տարածված այս կարծիքի հետ համաձայն է գերմանացիների 54 տոկոսը, իտալացիների և հույների 11-ական տոկոսը: