Հանրահայտ երգչուհի Ադելը ճանաչվել է անցած տարվա ամենահաջողակ կատարողը Ձայնագրությունների միջազգային ֆեդերացիայի (IFPI) վարկածով: Այս մասին հայտնում է The Guardian-ը:
Հաղորդվում է, որ երկրորդ տեղում բրիտանացի կատարող Էդ Շիրանն է: Երրորդ տեղում ամերիկացի երգչուհի Թեյլոր Սվիֆթն է, որն անցած տարի գլխավորել է այդ վարկանշային ցուցակը:
Այդ կազմակերպության ամենամյա վարկանշային ցուցակի ընտրության հիմնական չափանիշը աուդիոձայնագրությունների վաճառքի ընդհանուր ծավալն է ինչպես ֆիզիկական կրիչներով, այնպես էլ՝ թվային ձևաչափով, ինչպես նաև հիմնական սթիրիմին-ծառայություններում լսումների թիվը:
Անցած տարի Ադելի Hello երգը, որը թողարկվել է հոկտեմբերի 22-ին, 12 ժամում առաջին տեղն է բարձրացել iTunes չարթերում 85 երկրներում, իսկ համապատասխան տեսահոլովակն ընդամենը 87 օրում 1 մլրդ դիտում է ունեցել Youtube-ում:
Իսկ Ադելի նոյեմբերի 20-ին թողարկված «25» ալբոմը թողարկումից հետո առաջին շաբաթում վաճառքի ռեկորդ է սահմանել Մեծ Բրիտանիայում, որտեղ այն ձեռք է բերել ավելի քան 800 000 հոգի: Իսկ ՄԱՆ-ում վաճառքի առաջին 5 օրում վաճառվել է դրա 2,8 մլն օրինակ: Nielsen SoundScan ծառայության տվյալներով՝ ԱՄՆ-ում վաճառվել է ալբոմի 8 մլն օրինակ:
