Ջեսիկա Ալբան դարձել է Cosmopolitan պարբերականի մարտյան համարի հերոսուհին: 34-ամյա դերասանուհին պատմել է իր կարիերայի, կանացիության և այն մասին, որ կարողանում է չկասկածել իր ընտրությունների հարցում, հայտնում է segodnya.ua-ն:
Իր կարիերայի մասին նա ասել է. «Ես միշտ ցանկացել եմ լինել բլոկբաստերների աստղ, լինել նույնչափ կարևոր, ինչպես տղամարդիկ»:
Կանացիության մասին նա ասել է. «Կյանքիս մեծ մասը կենտրոնացել եմ բնավորության տղամարդկային կողմի վրա: 20-25 տարեկանում ես ագրեսիվ եմ եղել և ինձ տղայի պես եմ պահել: Կանացիություն ձեռք եմ բերել նշանկալիորեն ավելի ուշ»:
Իսկ այն մասին, որ հարկավոր է վստահել անձնական փորձին, նա ասել է. «Ես պտտվում եմ տղամարդկային աշխարհում` բիզնեսի աշխարհում: Բայց ես գիտեմ, ինչ են ուզում կանայք: Իսկ տղամարդիկ չգիտեն: Ամեն անգամ, երբ հանդիպումների ժամանակ նրանք սկսում են ինձ հետ վիճել, ես ասում եմ. «Գնա տուն և հարցրու քո կնոջը: Սա անիմաստ խոսակցություն է: Գնա տուն և խոսիր նրա հետ»: «Երբ մենք քննարկում էին փաթեթավորման դիզայնը, ես զարմացա: Դուք լրջորե՞ն եք ինձ խորհուրդներ տալիս այն մասին, թե ինչպես փաթեթավորել կանացի հիգիենայի միջոցները»,- պատմել է նա:
