Իրաքում պատերազմի ժամանակ ամերիկացիների շրջանում մեծ ժողովրդականություն էր վայելում թղթախաղը, որի խաղաքարտերի վրա պատկերված էին իրաքյան զորքերի 52 հրամանատարները: Ամերիկացի զինվորները դրանց օգնությամբ ճանաչել են Սադամ Հուսեյնի ռեժիմի հրամանատարներին:
Նմանօրինակ խաղաքարտեր է թողարկել Ռուսական հետազոտությունների ինստիտուտը (Institute for Russian Research): Այդ խաղաքարտերի վրա հրամանատարների փոխարեն պատկերված են Ռուսաստանի քրեական հեղինակությունները: Ստեղծողների մտահղացմամբ՝ այն արևմտյան իրավապահներին կօգնի ճանաչել ռուս մաֆիոզներին: Այդ խաղաքարտերը կարող են օգտակար լինել նաև լրագրողների համար՝ նշում է The Examiner-ը:
Խաղաքարտերը ստեղծողները կարծում են, որ ռուսական հանցավոր խմբավորումները մեծ դեր են խաղում ԱՄՆ-ի քրեական միջավայրի զարգացման գործում:
Խաղաքարտերը պարբերաբար կթարմացվեն ու կվերաթողարկվեն:
Խաղաքարտերում է հայտնվել է նաև ռուս գործարար Վիկտոր Բուտը, որը ԱՄՆ-ում իր պատիժն է կրում զենքի մաքսանենգության համար դավադրության մեղադրանքով: Խաղաքարտերի վրա 48 մարդ է պատկերված:
