Աստուրիայի արքայազնի մրցանակը, որ Իսպանիայում ամենահեղինակավորներից է, շնորհվել է ավստրիացի ռեժիսոր Միխաել Հանեկեին, հայտնում է Lenta.ru-ն:
Ինչպես հաղորդվում է մրցանակաբաշխության պաշտոնական կայքում, Հանեկեն մրցանակի է արժանացել «արվեստ» անվանակարգում:
Ժյուրիի անդամները նրան անվանել են ժամանակակից Եվրոպայի ամենաազդեցիկ ռեժիսորներից մեկը: Մրցանակի չափը 50 հազար եվրո է:
«Ես խորապես զգացված եմ ու հուսով եմ, որ իմ ապագա ստեղծագործական գործունեությունը արժանի կլինի այդ մրցանակին»,- կայքում մեջբերված են Հանեկեի խոսքերը:
Հանեկեն նկարահանել է «Սերը», «Դաշնակահարուհին», «Զվարճալի խաղեր» ֆիլմերը: Նա արժանացել է Կաննի կինոփառատոնի մի քանի «Ոսկե արմավենու» ու «Օսկարի»:
Աստուրիայի արքայազնի միջազգային մրցանակը Իսպանիայում շնորհվում է 1981-ից: Այն շնորհվում է 8 անվանակարգում, այդ թվում՝ գիտության տարբեր ոլորտներում ձեռքբերումների համար:
