ԱՄՆ Վիրջինիա նահանգի Քերոլայն շրջանի իշխանությունները միջոցներ չունեն ապահովելու գերեզմանատան շուրջօրյա պահպանությունը, որտեղ հուղարկավորված է Բոստոնի ահաբեկչության կազմակերպման մեջ կասկածվող Թամերլան Ցարնաևը: Այս մասին հայտնել է շրջանի շերիֆ Թոնի Լիպան՝ փոխանցում է ITAR-TASS-ը:
Շուրջօրյա պահպանություն է իրականացվել անցած ուրբաթ, և համապատասխանաբար որևէ միջադեպ չի գրանցվել: Գերեզմանատունը կպահպանվի այնպես, ինչպես շրջանի մյուս գերեզմանատները:
Շերիֆը նշել է, որ գերեզմանատան սեփականատերերը կարող են մասնավոր անվտանգության ծառայություն վարձել՝ Ցարնաևի գերեզմանը վանդալիզմի ենթարկելուց զերծ պահելու համար:
Տեղի բնակիչները Ցարնաևի հուղարկավորման առնչությամբ դժգոհություն են հայտնել: Դժգոհություն է հայտնել նաև Լիպան, որի խոսքով՝ ոչ ոք իր հետ չի խորհրդակցել այդ հարցի շուրջ:
26-ամյա Ցարնաևին, որի աճյունը հրաժարվել էին ընդունել Մասաչուսեթսի, Կոնեկտիկուտի և Նյու Ջերսիի իշխանությունները, հուղարկավորել են Դոսուել բնակավայրի «Ալ-Բարզախ» մուսուլմանական գերեզմանատանը:
