25 բարձրդասարանցի աղջիկներ են հոսպիտալացվել ուրբաթ ԱՄՆ-ի Քենտուքի նահանգում ավտոբուսի վթարի հետևանքով, հաղորդում է Assotiated Press գործակալությունը:
Ավտոբուսը, որը տեղափոխում էր դպրոցի սոֆթբոլի թիմին, դուրս է եկել մայրուղու հակառակ կողմը, ինչից հետո 180 աստիճանով թեքվել է ու կողաշրջվել: Տուժած աղջիկներից ոչ ոք չի ստացել կյանքի համար վտանգավոր վնասվածքներ:
Արտակարգ պատահարը գրանցվել է ԱՄՆ-ում 25 տարի առաջ տեղի ունեցած աղետի օրվանից մի քանի օր առաջ, երբ դպրոցական ավտոբուսի վթարի հետևանքով զոհվել էր 27 մարդ, որոնցից շատերը՝ երեխաներ:
