Ընտանեկան զույգը, որն օգտագործել է բեղմնավորմանը նպաստող դեղամիջոցներ, ներկայում սպասում է իր 17-րդ երեխայի լույս աշխարհ գալուն, հաղորդում է fedpost-ը:
Քրիստի և Դեյվ Քեյսոնները, ովքեր բնակվում են Կալիֆոռնիայում, 2-23 տարեկան՝ 9 տղաների և 7 աջիկների ծնողներ են: Նրանք նշել են, որ ցանկանում են 20 երեխա ունենալ:
«Մեզ համար յուրաքանչյուր երեխան առանձնահատուկ է: Ես հուզմունք եմ ապրում այն մտքից, թե ինչ կդառնան նրանք, ինչպիսի արտաքին տեսք կունենան: Չեմ կարծում, որ հղիությունը կախվածություն է դարձել ինձ համար: Ուղղակի մենք երբեք չենք զգացել, որ մեր ընտանիքն ամբողջական է»,- ասել է 41-ամյա Քրիստին:
Քրիստին և 45-ամյա Դեյվը, ով աշխատում է որպես ինժեներ, շուրջ 20 ամիս հոգեկան ծանր ապրումներ են ունեցել երկու վիժումների պատճառով նախքան Քրիստիի հղիանալն այն բանից հետո, երբ նա օտագործել է բեղմնավորմանը նպաստող դեղահաբեր:
Վերջերս զույգն ունեցել է իրենց առաջին թոռնիկին: Ընտանիքը Դեյվի աշխատավարձը, որը կազմում է տարեկան 80 հազար դոլար, ծախսում է կոպեկ առ կոպեկ: Զույգն ընդգծել է, որ իրենք նման մեծ ընտանիք ունեն ոչ թե կրոնական պատկերացումների պատճառով, այլ ուղղակի սիրում են երեխաների:
