Vesti.ru-ի փոխանցմամբ՝ Իրանը մտադիր է դառնալ ԵՄ-ի շուկա էներգակիրների գլխավոր մատակարարը։ Այդ մասին հայտարարել է Իրանի նախագահ Հասան Ռուհանին, ով Իրանի դեմ պատժամիջոցների վերացումից հետո մեկնել է իր առաջին եվրոպական շրջագայությանը։
Ռուհանին քառօրյա շրջագայության շրջանակներում երկուական օր անցկացնելու է Իտալիայում ու Ֆրանսիայում։ Իրանի նախագահը Հռոմում հայտարարել է, որ ահաբեկչության նկատմամբ հաղթանակ տանելու համար մերձավորարևելյան երկրները պետք է ապահովեն տնտեսական աճ:
«Մենք պատրաստ և ուրախ ենք ներդրումների համար, ուրախ ենք նոր տեխնոլոգիաների համար և ստեղծում ենք արտահանման նոր շուկա։ Նոր պայմանների համաձայն՝ մենք ցանկանում ենք արտահանել Իրանում արտադրվածի 30 տոկոսը»։
Ռուհանիի իտալական այցի ժամանակ կողմերը կնքել են 17 միլիարդ եվրո ընդհանուր արժողությամբ գործարքներ։
