Ամստերդամում ԵՄ երկրների ներքին գործերի նախարարների հանդիպմանը Բելգիայի ներքին գործերի նախարարն առաջարկել է Հունաստանին Աթենքում կառուցել ճամբար 300-400 հազար ներգաղթյալների համար: RIANovosti-ի հաղորդմամբ՝ այս մասին հայտնել է Հունաստանի միգրացիոն քաղաքականության հարցերով նախարար Յանիս Մուզալասը։
«Շենգենյան գոտին հանդիսանում է եվրոպական սպառնալիք։ Եվոպան սպառնալիքի տակ է, Եվրոպան վախենում է, մտահոգվում»,- ասել է նախարարը՝ խոստովանելով, որ «բարդ է իրավիճակը Հունաստանի համար փախստակաների առումով»։
Մուզալասի խոսքով՝ գրանցման կենտրոնները պատրաստ կլինեն փետրվարի վերջին, իսկ մարտի սկզբին կսկսեն աշխատել։
Հանդիպմանը Գերմանիան, Ավստրիան և Շվեդիան սպառնացել են բացառել Հունաստանին Շենգենյան գոտուց, եթե այն չլուծի խնդիրը։
Բրիտանական Times-ը գրում է, որ Գերմանիան, Ավստրիան, Բելգիան, Շվեդիան և Դանիան Աթենքին տվել են 6 շաբաթ ժամանակ՝ կրճատելու փախստակակնների հոսքը, այլապես սպառնացել են Հունաստանի դեմ կարանտին սահմանել։
Հունական ԶԼՄ-ները հայտնում են նաև «շոկային առաջարկի» մասին, որը հրապարավել է Financial Times-ում։ Խոսքը «միգրատներով պարտքի փոխանակման» մասին է։ Հունաստանը պետք է պահի ներգաղթյալներին, իսկ Գերմանիան կների նրա պարտքը՝ գրում է թերթը։
