Վնասակար սովորույթները գլխուղեղում փոխում են նյարդային շղթաները, հայտնում է rosbalt.ru-ն: Այդ պատճառով, օրինակ, մարդը չի կարողանում ազատվել ալկոհոլի կամ չափից ավելի ուտելու հակվածությունից, հայտարարել են ամերիկացի գիտնականները:
Գիտնականները փորձեր են կատարել մկների վրա: Նրանց մեջ առաջացրել են քաղցր ուտելու սովորություն: Սեղմելով բռնակը` մկները ստացել են քաղցրավենիքի փշուրներ: Ապա գիտնականները համեմատել են կախվածություն ունեցող և չունեցող մկների ուղեղների հիմնական նյարդահանգույցների էլեկտրական ակտիվությունը: Այդ նյարդահանգույցներում կա 2 տիպի ուղի: Ակտիվացնող ուղին ստիպում է գործել, իսկ արգելակողը` ընդհակառակը, կանգնեցնում է:
Մասնագետները պարզել են, որ կախվածությամբ մկների մոտ առաջինները ավելի ակտիվ են եղել: Բացի այդ, փոխվել է ակտիվացման ժամանակը: Կախվածությամբ մկների մոտ ակտիվացնող ուղին միացել է արգելակողից շուտ, իսկ առանց կախվածության մկների մոտ եղել է հակառակը:
Ի դեպ, փոփոխվել են բոլոր հիմնական նյարդահանգույցները: Հավանաբար, հենց այդ պատճառով է, որ կործանարար սովորույթը մարդուն դարձնում է հակված նաև այլ վնասակար սովորույթների:
