Անկախ երկար թռիչքներից, եթե Հայաստանի ազգային հավաքականից հրավեր ստանամ, ապա կմեկնեմ և կխաղամ հավաքականի կազմում: Այդ մասին ամերիկյան KUTV հեռուստաալիքի եթերում հայտարարել է Մոսկվայի «Սպարտակ»-ից MLS-ի «Ռեալ Սոլթ Լեյք» տեղափոխված Յուրա Մովսիսյանը:
«Եթե հրավեր ստանամ, անպայման կշարունակեմ հանդես գալ հավաքականում: Ազգային հավաքականում խաղալը մեծ պատիվ է յուրաքանչյուր ֆուտբոլիստի համար: Հայաստանի հավաքականում խաղալը լավագույն բաներից է, որ պատահել է իմ կյանքում: Այնպես որ, եթե հրավիրվեմ, կմիանամ թիմին»,- ասել է Մովսիսյանը:
Հիշեցնենք, որ 28-ամյա հարձակվողը մոսկովյան ակումբից ամերիկյան թիմ է տեղափոխվել վարձվճարով` մինչ 2016 թվականի դեկտեմբերի 1-ը:
