Հունվարի 20-ից Ռուսաստանն արգելել է մի շարք գյուղմթերքների, այդ թվում՝ մսի և կաթնամթերքի ներմուծումը Ռուսաստան, պատճառը նոր տարածվող դաբաղ հիվանդությունն է, որի առկայության մասին տեղեկատվությունը հայտնի է դարձել ռուսական լրատվամիջոցներից:
«Պատկան կառույցները դեռևս հարկ չեն համարել մեկնաբանություն տալ: Այս ինֆորմացիան երկար ժամանակ, առնվազն մի քանի շաբաթ պահվել է թաքուն»,- «Առաջին լրատվական»-ի հետ զրույցում ասաց «Իրազեկ և պաշտպանված սպառող» ՀԿ ղեկավար Բաբկեն Պիպոյանը: Նրա խոսքով՝ դաբաղի տարածումը թաքցնելով՝ փորձ է արվել փրկել խոշոր արտահանողների գրպանը:
Ստեղծված իրավիճակին Սննդի անվտանգության տեսչության կողմից հիմնավոր բացատրություն տալու համար կառույցին ժամանակ է հարկավոր: Թե ինչու է Հայաստանում դաբաղ հիվանդության տարածման մասին լուրը ստացվում Ռուսաստանից, կառույցն այս հարցին կանդրադառնա առաջիկայում:
Մանրամասները՝ տեսանյութում:
