Sputnik լրատվական գործակալության փոխանցմամբ՝ Բելառուսը 2016 թվականին դեսպանատուն կբացի Վրաստանում։ Այդ մասին հայտնել է Բելառուսի կառավարության մամլո ծառայությունը։ Բելառուսում Վրաստանի դեսպանատունը բացվել է 2007 թվականին, այն գտնվում է Մինսկի կենտրոնում։
Բելառուսի նախագահ Ալեքսանդր Լուկաշենկոն 2015 թվականի ապրիլին Վրաստան կատարած այցի ժամանակ հայտարարեց, որ Վրաստանում Բելառուսի դիվանագիտական ներկայացուցչության բացման հարցը լուծում կստանա մեկ տարվա ընթացքում։
Բելառուսի կառավարությունը համապատասխան որոշումն ընդունել է 2016 թվականի հունվարի 21-ին։ Բելառուսի ֆինանսների նախարարությանը հանձնարարվել է զբաղվել Վրաստանում դեսպանատան բացման համար ծախսերի հատկացման խնդրով։ Հաղորդվում է, որ Վրաստանում դեսպանատուն է բացելու նաև Ավստրիան։
