Ռուսական RIA Novosti լրատվական գործակալության փոխանցմամբ՝ Չինաստանի նախագահ Սի Ցզինպինը երկօրյա պաշտոնական այցով ժամանում է Իրան։ Դա կլինի նրա մերձավորարևելյան շրջագայության վերջին հանգրվանը, որը սկսվել է հունվարի 19-ին, և որի շրջանակներում նա արդեն իսկ եղել է Սաուդյան Արաբիայում ու Եգիպտոսում։
Ակնկալվում է, որ Չինաստանի նախագահը կհանդիպի Իրանի նախագահ Հասան Ռուհանիի հետ և հանդիպման արդյունքներով կստորագրվեն երկկողմ համագործակցության վերաբերյալ մի շարք համաձայնագրեր։
Սի Ցզինպինը կլինի պատժամիջոցներից վերացումից հետո Իրան այցելող համաշխարհային առաջին առաջնորդը։ Իր իրանական այցի նախօրեին Չինաստանի նախագահը հոդված է հրապարակել իրանական մամուլում, որում նշել է, որ Իրանի դեմ պատժամիջոցների վերացումից հետո Չինաստանը պատրաստ է ամրապնդել ռազմավարական փոխգործակցությունը, խորացնել փոխշահավետ համագործակցությունը։
