Հոլիվուդյան դերասան Առնոլդ Շվարցենեգերն իր հավաքածուից սիգար է ուղարկել Ավստրիա 75-ամյա Յոզեֆ Մետերմայերին, որը տառապում է անբուժելի ուռուցքային հիվանդությամբ, հայտնում է The Local-ը: Նա ուղարկել է նվերն այն բանից հետո, երբ Facebook-ում կարդացել է թոշակառուի դստեր` Սառայի գրառումն այն մասին, որ հայրը Շվարցենեգերի մեծ երկրպագուն է:
Ներկայումս ծանրոցը գտնվում է ճանապարհին: Սառայի հետ կապնվել է դերասանի ընկեր Ռալֆ Մելերը: Նա նվերին ավելացրել է սեփական սիգարները և Շվարցենեգերի հետ համատեղ լուսանկարը:
«Սիգարները հորս կիրքն են, և նա շատ կուզենար գոնե մեկը ստանալ Առնիից, իմանալով, որ նա նույնպես սիրում է: Հայրս, իհարկե դա չի պահանջում, սակայն հնարվոր է Շվարցենեգերն ուշադրություն դարձնի այս գրառման վրա»,- սոցիալական ցանցում Սառան գրել է հունվարի 16-ին: Գրառումը կիսվել են 116 հազար անգամ, մի քանի լրատվամիջոցներ էլ գրել են կնոջ խնդրանքի մասին:
Մետերմայերի մոտ քաղցկեղ ախտորոշել են երեք տարի առաջ: Բժիշկներն ըմբռնումով են վերաբերվում սիգարների նկատմամբ նրա հակվածությանը և դեմ չեն ծխելուն:
