Սալքի ինստիտուտի նեյրոֆիզիոլոգների հաշվարկներով՝ մարդու ուղեղը կարող է տեղավորել մոտ 10 անգամ շատ տեղեկություն, քան համարվում էր նախկինում՝ մի քանի պետաբայթ տեղեկություն, որը պետք է բավարարի տեղավորելու համար համացանցի ներկայիս գրեթե ամբողջ կոնտենտը: Այս մասին ասվում է eLife ամսագրում հրապարակված հոդվածում:
Թերի Սեջնևսկին Լա-Խոյայում (ԱՄՆ) Սալքի ինստիտուտից բացատրում է, որ ներկայումս գիտնականները կարծում են, որ մեր հիշողությունները պահվում են ուղեղի առանձին մասում, որը նեյրոֆիզիոլոգները հիպոկամպ են անվանում: Հիշողությունն այնտեղ պահվում է ինչպես մի նեյրոնից մյուսին փոխանցվող էլեկտրական ազդակների տեսքով, այնպես էլ քիմիական ազդանշանների տեսքով, որոնք նյարդային բջիջները փոխանակում են իրար հետ:
Հոդվածի հեղինակները որոշել են պարզել՝ ինչպես են տեղի ունենում այդ գործընթացները՝ ստեղծելով մեկ արյունատար բջջի մեծության հիպոկամպի մասի համակարգչային լրիվ մոդել:
Նյարդաֆիզիոլոգները տեսել են, որ մի շարք նյարադային բջիջներ նույն «հարևանի» հետ կապված է եղել ոչ թե մեկ, այլ մի քանի սինափսներով, որոնք նեյրոնները կապում են այլ բջիջների, ինչը նշանակում է, որ նրանք դրան փոխանցում են նույն ազդանշանի երկու օրինակ:
Ուսումնասիրության արդյունքները հաստատում են, որ ուղեղն ամենաարդյունավետ հաշվողական սարքն է: Սպառելով ընդամենը 20 վատտ էներգիա, մեր նյարդային համակարգն աշխատում է ժամանակակից սուպերհամակարգիչների համար անհասանելի տվյալների ծավալի հետ:
