Կիթառով տղամարդիկ կանանց ավելի գրավիչ են թվում: Նման եզրակացության են եկել Ֆրանսիայի Հարավային Բրետանի համալսարանի գիտնականները՝ հայտնում է «Ռոսբալտը»:
Հետազոտությանը ներգրավված է եղել 20-ամյա տղամարդ ու 18-22 տարեկան 300 աղջիկ՝ հաղորդում է Psycology of Music ամսագիրը:
Տղամարդը, որին հետազոտության հեղինակները բնորոշել են որպես «բարձր գրավչություն ունեցող», ծանոթացել է աղջիկների հետ ու նրանցից խնդրել հեռախոսահամարները:
Փորձերը բաժանել են երեք խմբի՝ առաջինում տղամարդու ձեռքին եղել է կիթառի պատյան, երկրորդում՝ մարզական պայուսակ, իսկ երրորդում նա աղջիկներին մոտեցել է դատարկ ձեռքերով:
Գիտնականները եզրակացրել են, որ «երաժիշտ» ներկայանալիս տղամարդու գրավչությունը բազմակի մեծանում է՝ կիթառով տղամարդուն իրենց հեռախոսահամարներն են թողել աղջիկների 31%-ը, դատարկ ձեռքերով տղամարդուն՝ 14%-ը, իսկ մարզական պայուսակով մարդուն՝ 9%-ը:
Ինչպես նկատում է Pacific Standard-ը, անցած տարի նման հետազոտության նմանատաիպ արդյունքներ են հրապարակվել Իսրայելում:
Ելնելով ստացված տվյալներից՝ գիտնականները եզրակացրել են, որ երաժշտությունը ծագել է հնագույն ամուսնական ծեսերից և մինչ օրս կարևոր դեր է խաղում սերնդի շարունակության համար կողակից ընտրելու հարցում:
Բացի այդ՝ երաժշտական գործիքին տիրապետելու կարողությունը կարող է վկայել մարդու ֆիզիկական ու մտավոր զարգացման մասին:
