Նավթի գինը շարունակում է նվազել շուկայում համընդհանուր գերավելցուկի պատճառով

Նավթի համաշխարհային գները շարունակում են նվազել հումքի շուկայում համընդհանուր գերավելցուկի ֆոնին, որի մասին վկայում են, մասնավորապես, Նավթի ամերիկյան ինստիտուտի տվյալները(API)։ Այս մասին հայտնում է RIA Novosti-ն։

Brent մակնիշի հյուսիսծովյան նավթային խառնուրդի մարտյան ֆյուչերսների արժեքը նվազել է 0.82 տոկոսով՝ հասնելով մեկ բարելի դիմաց 27.65 դոլարի։ WTI թեթև նավթի մարտյան ֆյուչերսների արժեքը նվազել է 0.86 տոկոսով՝ հասնելով մեկ բարելի դիմաց 28.11 դոլարի։

API-ի տվյալներով, որոնք հրապարակվել են այսօր, ԱՄՆ-ում նավթի պաշարներն անցած շաբաթ զգալիորեն ավելացել են՝ 4.6 մլն բարելով, մինչդեռ սպասվում էր 3 մլն բարելի աճ։