Հանոյի Հոան Կիեմ լճում ապրող հսկա կրիան, որն աշխարհում ամենածերն է, հունվարի 19-ի երեկոյան սատկել է՝ հայտնում է Vietnam Breaking News-ը: Ինչպես նշվում է, տեղացի բնակիչների և բոլոր վիետնամցիների համար դա մեծ կորուստ է:
Վերջին անգամ ականատեսները դեկտեմբերի 21-ին են նկատել՝ ինչպես է կրիան բարձրացել լճի մակերևույթ:
Կրիան, որի տարիքը գերազանցում է 100 տարին, պատկանում էր հազվագյուտ տեսակի (լատ.Rafetus vietnamensis), նրա քաշը մոտ 170 կիլոգրամ էր:
Հոան Կիեմ լիճը, որի անվանումը նշանակում է «վերադարձված թրի լիճ» կամ «կանաչ ջրի լիճ», գտնվում է Հանոյի պատմական կենտրոնում և քաղաքի հիմնական գեղատեսիլ վայրերից է։
