Ամերիկացի հոգեբանները պարզել են, որ մարդու ախորժակն ու հագեցվածության աստիճանը կախված են ոչ միայն ուտելիքի մասերի կամ ափսեի մեծությունից, որի մեջ սնունդը դրված է, այլև հացի սեղանի մեծությունից: Այս մասին հայտնում է Journal of the Association for Consumer Research ամսագիրը:
Բրեննան Դևիսը՝ Լուիս-Օբլիսպոյում (ԱՄՆ) Կալիֆոռնիա նահանգի Պոլիտեխնիկական համալսարանից, և նրա գործընկերները պարզել են, որ սննդի և դրա համի մեր ընկալման վրա ազդում է նաև սեղանի չափը, որի վրա ուտելիքը դրված է՝ հետևելով, թե ինչպես են 200 կամավոր ուսանողներ մեծ պիցցաներ կերել:
Այդ պիցցաների կեսը կտրտված է եղել 8 կտորի, մյուսները՝ 16: Պիցցաների մի մասը գիտնականները դրել են ոչ մեծ սեղանների վրա, մյուսները դրել են շատ մեծ սեղանների վրա:
Գիտնականները նկատել են, որ մեծ սեղանը շեղել է մասնակիցների ուշադրությունը և ստիպել է մտածել, որ 8 մասի բաժանված պիցցաների կտորները և ավելի փոքր կտորները մոտավորապես հավասարաչափ են: Արդյունքում՝ մեծ սեղանի մոտ պիցցայի ոչ մեծ կտորների դիմաց նստած ուսանողները շատ ավելի քիչ են կերել, քան փոքր սեղանի մոտ նստածները:
«Եթե ուզում եք ավելի քիչ ուտել, սնունդը մատուցեք ոչ մեծ բաժիններով և նստեք մեծ սեղանի մոտ»,- եզրափակում է Դևիսը:
