Ավետիսյանների հարազատները հայտնել էին իրենց որոշման մասին՝ բոյկոտել դատը: Գյումրիի լրագրողների «Ասպարեզ» ակումբի նախագահ Լևոն Բարսեղյանը «Առաջին լրատվական»-ի հետ զրույցում նշեց, որ հիմա բարեբախտաբար հարազատները փոխել են իրենց դիրքորոշումը. «Ակնհայտ էր, որ այդ դեպքում փաստաբանները նույնպես պետք է բացակայեին նիստից: Հանցագործությունը բացահայտելու համար թե մի բարակ ճանապարհ կար, դա մեր փաստաբանների ներկայությունն էր, որովհետև դատախազից, դատավորից ոչ ոք հույս չունի»:
Լևոն Բարսեղյանի կարծիքով՝ Պերմյակովի գործողություններում անտրամաբանական դրվագներ կան. «Մինչև հիմա որևէ խելամիտ մոտիվ չկա, թե ինչու դա պետք է տեղի ունենար: Բացարձակ պարզ չէ՝ մենա՞կ է եղել այդ տղան, ի՞նքն է եղել արդյոք: Մարդը որոշել է Թուրքիա փախչել և հայկական դրամ է վերցրել, որոշել է սահմանն անցնել և որևէ զենք չի վերցրել իր հետ… Ամենասկզբում իբր թե ջուր էր որոնում, գնաց-հասավ քաղաքի այն մյուս ծայրը, երբ որ ճանապարհին բազմաթիվ խանութներ, կրպակներ ու տներ կային, գնաց հասավ համեմատաբար պաշտպանված տուն՝ պարիսպով, դարպասով, այնինչ՝ բազմաթիվ տնակներ կային, որտեղ մի մատով կարող էր դուռը հրել, բացել, մտնել ներս: Սրանք անհասկանալի են:
Մանրամասները՝տեսանյութում:
