Կենտրոն և Նորք-Մարաշ վարչական շրջանների առաջին ատյանի դատարանը որոշեց ձերբակալված Վլադիմիր Առաքելյանի խափանման միջոցը՝ սահմանելով երկամսյա կալանք:
Վլադիմիր Առաքելյանի փաստաբան Արայիկ Ալվանդյանը մեզ հետ զրույցում ասաց, որ Առաքելյանին գրավով ազատելու իրենց միջնորդությունը մերժվել է: Նա տեղեկացրեց, որ ազատամարտիկը ունի առողջական խնդիրներ. 4 ամիս անկողնում պառկած է եղել, և հիմա էլ շարունակում է դեղեր ընդունել:
Դատարանի մոտ են հավաքվել նաև Վլադիմիր Առաքելյանի ընկերներն ու հարազատները, վերջիններս հրաժարվեցին խոսել:
Այս պահին դատարանը որոշում է Գառնիկ Մարգարյանի խափանման միջոցը:
Գառնիկ Մարգարյանի ընկեր Ազատ Սարգսյանը մեզ հետ զրույցում նշեց, որ Արթուր Վարդանյանին Գառնիկ Մարգարյանը երկու անգամ հանդիպել է, այդ մասին Գառնիկ Մարգարյանն ասել է ձերբակալվելուց մեկ օր առաջ:
