Թուրքական Son dakika լրատվական կայքի փոխանցմամբ՝ Թուրքիայի արտգործնախարար Մևլյութ Չավուշօղլուն Անկարայում դեսպանների 8-րդ հավաքի ավարտի կապակցությամբ լրագրողների հետ զրույցում մեկնաբանել է ակադեմիկոսների նախաձեռությունը, որով իշխանություններին կոչ է արվում «Քրդական հարցը» լուծել խաղաղ ճանապարհով:
«Աշխարհում որտե՞ղ եք տեսել, որ ահաբեկչական կազմակերպությանն աջակցելն ու ահաբեկչական կազմակերպությանը համերաշխություն հայտնելը համարվի խոսքի ազատություն։ Մեզ համար որևէ տարբերություն չկա ահաբեկչությանն աջակցողի ու ահաբեկչի միջև։
Նույնը առնչվում է ահաբեկչությանը ֆինանսական և քաղաքական աջակցություն ցուցաբերելուն, ահաբեկչությանն ուժ տալուն։ ԱՄՆ-ը, ԵՄ-ն և բազմաթիվ այլ երկրներ «Քրդստանի աշխատավորական» կուսակցությունը (PKK) ընդգրկել են ահաբեկչական կազմակերպությունների իրենց ցուցակում»,- ասել է Չավուշօղլուն:
