N+1 կայքի փոխանցմամբ՝ Կոռնելի համալսարանի գիտնականների հետազոտության համաձայն, ռեստորանների այցելուները ավելի շատ սնունդ պատվիրում են ավելորդ քաշ ունեցող մատուցողներին։ Հետազոտության արդյունքները հրապարակվել են Environment&Behaviour պարբերականում։
Հետազոտությունն անցկացվել է ցանցային ռեստորաններում իրականացված դաշտային դիտարկման մեթոդով։ Խոսքը Outback Steakhouse, TGIF և մյուս ռեստորանների ցանցի մասին է, որոնք գործում են ԱՄՆ-ի, Ֆրանսիայի և Իսպանիայի տարածքներում։
Հետազոտությունն առնչվել է 60 ռեստորանի: Դրա արդյունքներով գիտնականները հանգել են այն եզրակացության, որ այցելուները հակված են ավելի շատ սնունդ պատվիրել ավելորդ քաշ ունեցող մատուցողներին։
Միևնույն ժամանակ, հոդվածի հեղինակները ճշգրիտ պատասխան չեն տվել, թե որն է դրա պատճառը։
