«Ռեալ Սոլթ Լեյք»-ի գլխավոր մարզիչ Ջեֆ Կասարը հաստատել է, որ ակումբը բանակցում է Մոսկվայի «Սպարտակ»-ի և Հայաստանի ազգային հավաքականի հարձակվող Յուրա Մովսիսյանի հետ:
Ավելի վաղ տեղեկություններ էին տարածվել, որ ամերիկյան ակումբը համաձայնության է եկել «մայրաքաղաքայիններ»-ի հետ 28-ամյա ֆուտբոլիստի տեղափոխության հարցում:
«Ես կասեի, որ առանց կրակի ծուխ չի լինում: Մենք բանակցությունների փոլում ենք և հուսով ենք, որ շուտով կհայտարարենք գործարքի իրականացման մասին: Բայց երբեք հնարավոր չէ նախապես իմանալ, թե ինչ կկատարվի:
Մովսիսյանը հզոր և դինամիկ հարձակվող է, ով կարող է գոլային պահ ստեղծել և գոլ խփել»,- SBIsoccer-ը մեջբերում է «Ռեալ Սոլթ Լեյք»-ի գլխավոր մարզչի խոսքերը:
Հիշեցնենք, որ Մովսիսյանը հանդես է եկել «Ռեալ Սոլթ Լեյք»-ի կազմում 2007-2009 թվականներին:
