Վիեննայում անօթևանները ստացել են էքսկուրսավարներ դառնալու հնարավորություն՝ հայտնում է The Local-ը։ Այդ գաղափարն ընկած է Shades Tours Vienna նախագծի հիմքում, որի շրջանակում անօթևանները կարող են ուսուցում անցնել և էքսկուրսիաներ անցկացնել քաղաքով՝ ցույց տալով, թե մարդիկ ինչպես են ապրում փողոցներում։
12 հազար ավստրիացի անօթևաններից ավելի քան 7000-ն ապրում է Վիեննայում։ Ձեռնարկատեր Փերին Շոբերը ստեղծել է Shades Tours նախագիծը՝ պարզեցնելու նրանց համար հասանելիությունն աշխատանքի շուկային։
2.5 ժամ տևողությամբ էքսկուրսիայի ծրագիրը ներառում է 3 վայր։ Էքսկուրսավարը ցույց կտա գիշերելու վայրը, որտեղ անտուն մարդը կարող է մնալ արտակարգ դեպքերում, խոհանոցը և սոցիալական օգնության ցուցաբերման կետը։ 10 հոգանոց խմբի համար արժեքը 150 եվրո է։ Այդ գումարները նախագծի ֆինանսավորման գլխավոր աղբյուրն են։
Ներկայում դեռևս ուսուցում է անցել 4 մարդ։
