Mercedes-Benz ընկերությունը Դեթրոյթի ավտոսալոնի շրջանակներում ներկայացրել է E-Class (W213) սեդանների նոր սերունդը, գրում է Autocar-ը:
Չնայած ավելացած չափերին (երկարությունը` 4923 մմ, անվային բազան` 2939 մմ), Mercedes-ի նորույթը 100 կգ-ով ավելի թեթև է նախորդ W212-ից: Սեդանի բազային մոդելը ունի 184 ձիաուժ հզորությամբ 2 լիտրանոց շարժիչ և 300 Նմ պտտման մոմենտ:
Նաև հասանելի է 195 ձիաուժ հզորությամբ և 400 Նմ պտտման մոմենտով 2 լիտրանոց դիզելային շարժիչով տարբերակը: Բացի այդ, ցանկացողները կարող են ձեռք բերել E 400 4Matic մոդելը և հիբրիդային Plug-In Hybrid տարբերակը:
Mercedes E-Class-ի վաճառքի եվրոպական մեկնարկը կսկսվի այս տարվա գարնանը:
