Ամերիկյան Bank of America Merrill Lynch (BofA) ներդրումային բանկը նվազեցրել է Brent տեսակի նավթի 2016-ին կանխատեսվող գինը մինչև 50-46 դոլար մեկ բարելի համար, տեղեկացնում է Market Watch-ը: Բանկը կանխատեսել է նաև WTI տեսակի նավթի գինը՝ 48-45 դոլար մեկ բարելի դիմաց:
Փորձագետները գնային կանխատեսումների նվազեցումը պայմանավորում են տաք ձմռանով, չինական փոխարժույթի թուլացումով և OPEC-ի գնային պատերազմներով:
«OPEC-ի անդամների միջև գնային պատերազմը գնալով վատթարացել է: Բացի դրանից, շուտով շուկա դուրս կգա Իրանի նավթը, իսկ չինական յուանը կտրուկ արժեզրկվում է: Ի լրումն դրա՝ սովորականից տաք ձմեռը ԱՄՆ-ում և Եվրոպայում կրճատել է պահանջարկը՝ յուրաքանչյուր տարածաշրջանում օրական 200 հազար բարելով»,- նշում են փորձագետները:
