Ռուսական RIA Novosti լրատվական գործակալության փոխանցմամբ՝ երկուշաբթի արագացել է նավթի համաշխարհային գնանկումը։ Brent տեսակի նավթի գինը նվազում է ավելի քան 3 տոկոսով՝ կապված Չինաստանի տնտեսական դրության մասին շուկայում պահպանվող մտավախությունների ֆոնին։
Ընդգծվում է, որ Չինաստանի տնտեսության թուլացումը կարող է ուժեղացնել ճնշումը գների վրա։ Brent տեսակի նավթի մարտյան ֆյուչերսները նվազել են 3.04 տոկոսով՝ մեկ բարելի համար հասնելով մինչև 32.9 դոլարի։ WTI տեսակի նավթի փետրվրյան ֆյուչերսներն իրենց հերթին անկում են ապրել 2.50 տոկոսով՝ մեկ բարելի համար հասնելով մինչև 32.33 դոլարի։
