Շվեյցարացի երկու նկարիչներ առաջարկել են Ռուսաստանում այս տարվա աշնանը ծնվող երեխաներից մեկի անունը դնել Դադա: Իրենց համաձայնությունը տված զույգերից նրանք պատրաստվում են ընտրել մեկին, որին էլ կնվիրաբերեն 10 հազար դոլար, հաղորդում է The Independent-ը:
Այս քայլով նրանք փորձում են արժանին մատուցել դադաիզմին, որը մոդեռնիստական ուղղություն է, օգտագործում է աբստրակտ ոճը և հաճախ` երեխաների լեզուն` ծաղրելու համար ժամանակակից աշխարհի զավեշտը:
Աշխարհի Դադաների թվում ռուսաստանյան Դադան պետք է դառնա երկրորդը: Շվեյցարացի նկարիչներն այսպիսով պատրաստվում են աշխարհում ունենալ մինչև 5 Դադա, իսկ վերջնաժամկետը 2016թ.-ն է, երբ նշվելու է այդ ուղղության հարյուրամյակը:
Առաջին Դադան ծնվել է Շվեյցարիայում 2004թ.-ին: 5 տարի անց նկարիչները պատրաստվում են բոլոր Դադաներին հավաքել Ցյուրիխում` նշելու հոբելյանը:
