Ինչպես հայտնի է, երեկ Բալահովիտ գյուղի վարչական շրջանում գտնվող գերեզմանաքարերի արտադրամասի կից շինությունում տղամարդու դի էր հայտնաբերվել՝ երեսի և մարմնի վրա ծեծի հետքերով: Ոստիկաններն ու քննիչները պարզել են, որ նշված շինությունում մահճակալին եղել է 66-ամյա Սամվել Մելիքսեթյանի դին:
Մեզ հասած տեղեկություններով՝ ոստիկաններն արդեն հայտնաբերել են կասկածյալին, սակայն վերջինս չի ընդունում, որ ինքն է սպանել: Մեր ունեցած տեղեկություններով՝ թոշակառուին ծեծելով սպանողը ծանոթ է եղել նրա հետ և թոշակառուին սպանել է նրա թոշակի քարտը խլելու համար:
Նշենք, որ Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժնում նյութեր են նախապատրաստվում հունվարի 6-ին Կոտայքի մարզում տեղի ունեցած մահվան փաստով:
