Մեքսիկայում գտնվելու վերջին՝ ուրբաթ օրը, ԱՄՆ նախագահ Բարաք Օբաման տեղի երիտասարդներին դիմել է իսպաներենով՝ նրանց կոչ անելով աշխատել հանուն հայրենիքի բարգավաճման: Այս մասին հաղորդում է Ria Novosti-ն:
Օբամայի և 800 մեքսիկացիների հանդիպումը կազմակերպվել էր Մեխիկոյի մարդաբանական թանգարանում: Չնայած լեզվին այնքան էլ լավ չի տիրապետել, սակայն ԱՄՆ նախագահը նրանց իսպաներեն է ողջունել:
Այնուհետև նա անցել է անգլերենի, ինչը չի խանգարել իսպաներենով մեջբերել Մեքսիկայի նախագահ և ազգային հերոս Բենիտո Խուարեսի խոսքերը. «Մարդկության բախտը ժողովրդավարությունն է, և դա տեսանելի է այստեղ՝
Մեքսիկայում»:
Օբաման կարևորել է մեքսիկացիների պայքարը հանցագործության դեմ, հանուն մարդու իրավունքների, ի պատիվ երկրի աշխատող՝ մեքսիկական մամուլի համարձակությունը, կանանց իրավունքներում դրական փոփոխությունները: Իսկ Մեքսիկայի և ԱՄՆ-ի հարաբերությունները Օբաման բնութագրել է որպես հավասար իրավունքներ ունեցող և հարգալից:
Այժմ արդեն ԱՄՆ նախագահը Մեքսիկայից մեկնել է Կոստա Ռիկա, որտեղ նա կմնա մինչև շաբաթ օրը:
