Այսօր՝ հունվարի 7-ին, խոշոր ավտովթար է տեղի ունեցել Երևանի Լենինգրադյան փողոցում: Shamshyan.com-ի փոխանցմամբ, ժամը 12:40-ի սահմաններում Լենինգրադյան փողոցի «BEKO» կենցաղային տեխնիկայի խանութի դիմաց բախվել են 25-ամյա Հակոբ Միքայելյանի վարած Porsche Cayenne մակնիշի և 70-ամյա Վալերիկ Քամալյանի վարած, թիվ 63 երթուղին սպասարկող ԳԱԶել մակնիշի ավտոմեքենաները:
Վթարի հետևանքով 3 հոգի մարմնական վնասվածքներով տեղափոխվել են հիվանդանոց: Վիրավորներին նախ օգնության են հասել «BEKO»-ի աշխատակիցները, ովքեր, մինչ շտապ օգնության օպերատիվ ժամանումը, խանութում առաջին օգնություն են ցուցաբերել վիրավորներին:
Ոստիկանությունն ու քննչական բաժինը պարզում են վիրավորների ինքնությունը: Դեպքի վայր ժամանած հրշեջ-փրկարարները հոսանքազրկել են ավտոմեքենաները և փակել գազի բալոնները: