Գիտնականներին հաջողվել է հայտնաբերել տեղեկատվությունը հիշելու, այնուհետև այն հիշողության մեջ արտաբերելու ամենապարզ և գործող միջոցը: Պարզվում է՝ բավական է ձեռքերով ոչ բարդ շարժումներ կատարել: Հենց որ հարկավոր է լինում ինչ-որ բան հիշել, պետք է բռունցք անել աջ ձեռքը: Երբ հարկավոր է լինում հիշել ստացած տեղեկատվությունը, բավական է սեղմել միայն ձախ բռունցքը: Դա բացատրվում է նրանով, որ ձեռքերը բռունցք անելն ակտիվացնում է ուղեղի այն հատվածները, որոնք մշակում են ֆունկցիաները: Մասնավորապես, ձախ կիսագունդը պատասխանատու է տեղեկատվության կոդավորման համար, իսկ աջն օգնում է հիշել այդ տեղեկատվությունը:
Այս հիփոթեզը ստուգելու համար Նյու Ջերսիի համալսարանի գիտնականները 50 կամավորների են հրավիրել, մասնավորապես՝ կանանց: Նրանց 36 բառից կազմված ցուցակ են տվել, որն անհրաժեշտ է եղել հիշել, ինչպես նաև՝ փոքր վարդագույն գնդակ, որը հարկավոր է եղել սեղմել: Կամավորների խումբը բառերը հիշելուց առաջ 45 վայրկյանում երկու անգամ աջ ձեռքում սեղմել է գնդակը, այնուհետև բառերը գրառելուց առաջ նույնն արել է ձախ ձեռքով: Մյուս խումբը նույնն արել է առանց ձեռքերը սեղմելու, ուղղակի հիշել և գրառել է:
Պարզվել է, որ աջ ձեռքը սեղմած խումբը, որը ակտիվացրել է հիշողությունը, մյուսներից ավելի լավ արդյունքներ է ունեցել: Ստացված տվյալները վկայում են, որ մարմնի որոշ պարզ շարժումներ լավացնում են մարդու հիշողությունը:
