Sputnik լրատվական գործակալության փոխանցմամբ՝ իշխող «Վրացական երազանք-Դեմոկրատական Վրաստան» կուսակցության նոր նախագահին կընտրեն 2016 թվականի գարնանը կայանալիք կուսակցական համագումարում։ Այդ մասին հայտարարել է կուսակցության գործադիր քարտուղար Իրակլի Կոբախիձեն։
Ավելի վաղ իշխող կուսակցությունը գլխավորում էր արդեն նախկին վարչապետ Իրակլի Ղարիբաշվիլին, որը 2015 թվականի դեկտեմբերի 23-ին շատերի համար անսպասելիորեն հայտարարեց իր հրաժարականի մասին և թողեց կուսակցական գործունեությունը։ Կոբախիձեն հայտարարել է, որ կուսակցությունում դեռ չի քննարկվել կուսակցության նախագահի թեկնածուների հարցը։
Երբ լրագրողները նրան հարցրել են, թե արդյոք չի՞ քննարկվում կուսակցության նախագահի պաշտոնում նախկին վարչապետ Բիձինա Իվանիշվիլիի թեկնածության հարցը, Կոբախիձեն պատասխանել է, որ այդ մասին խոսք չի եղել։
