Վաշինգտոն նահանգի Օլիմպիա քաղաքում զվարճալի դեպք է տեղի ունեցել: 5 ամսական Սոֆյայի ծնողները նրան տարել են Մանկական թանգարան: Փոքրիկը քնել է, իսկ ծնողները որոշել են չարթնացնել նրան՝ միևնույն ժամանակ չթողնելով, որ քունը խանգարի երեխայի ժամանցին:
Մայրն ու հայրը՝ Ջենիֆեր և Ֆրենկ Լոբատոները, մանկասայլակում քնած փոքրիկին սահեցրել են ոլորապտույտ սահարանով, նրան մանկասայլակով տեղավորել գնդակներով լի խաղահրապարակում: Այս մասին հայտնում է The Huffington Post-ը:
Մայրը քնած երեխայի զբոսանքի լուսանկարները տեղադրել է Reddit-ում՝ նշելով, որ Սոֆյան արթնացել է այնտեղից դուրս գալուց կարճ ժամանակ առաջ և փոքր-ինչ խաղացել է 3 տարեկան եղբոր հետ:
