Մարդիկ, ովքեր ուտում են պահածոյացված մրգեր և բանջարեղեն, ընդհանուր առմամբ ավելի ճիշտ են սնվում, քան նրանք, ովքեր ընդհանրապես դա չեն ուտում, հայտնում է rosbalt.ru-ն:
Ամերիկացի հետազոտողները վերլուծել են 42000 երեխաների և մեծահասակների տվյալները: Նրանք ուսումնասիրել են կամավորների դիետայի ընդհանուր որակը և նրանց սննդակարգը:
Կամավորների մոտ 11%-ը ամեն օր կերել է պահածոյացված մրգեր և բանջարեղեն: Այդ մարդիկ ընդհանուր առմամբ օգտագործել են ավելի շատ որոշակի սննդարար նյութեր, բայց միաժամանակ ավելի շատ կալորիա, շաքար ու ճարպ: Պահածոներ օգտագործողների և չօգտագործողների գոտկատեղի շրջագծի, քաշի և ճնշման միջև նշանակալի տարբերություններ չեն եղել: Նրանց սննդակարգում շաքարի և աղի մակարդակների տարբերություն նույնպես չի հայտնաբերվել:
Երեխաները, ովքեր օգտագործել են պահածոյացված մրգեր և բանջարեղեն, օգտագործել են ավելի շատ սպիտակուց, վիտամին A, կալցիում և մագնեզիում: Գիտնականները ենթադրում են, որ մարդիկ նույն մթերքները ուտում են նաև թարմ և սառեցված վիճակում:
Մասնագետները նախազգուշացնում են, որ բոլոր պահածոները տարբեր են: Նրանք խորհուրդ են տալիս գնել աղի և շաքարի ցածր պարունակությամբ պահածոներ, իսկ օգտագործելուց առաջ այդ միրգ-բանջարեղենը անպայման լվանալ:
