Հետաքննությունների դաշնային բյուրոն առաջին անգամ ամենափնտրվող ահաբեկիչների ցուցակում ներառել է իգական սեռի ներկայացուցչի: Ինչպես հայտնել են գերատեսչությունում՝ նա Ջոան Չեսիմարդն է, որը մեղադրվում է 40 տարի առաջ Նյու Ջերսի նահանգում իրավապահ մարմինների աշխատակցին սպանելու մեջ: Այս մասին հայտնում է ITAR-TASS-ը:
FBI-ի ներկայացուցիչները 1 մլն դոլար պարգևավճար են խոստանում կնոջ մասին տեղեկության համար: 1 մլն դոլար էլ առաջարկում է Նյու Ջերսիի ոստիկանությունը: Բյուրոյի տվյալներով՝ հետախուզվողը 61-66 տարեկան է:
Ինչպես նշել են գերատեսչությունում՝ Չեսիմարդին այդ ցուցակում ներառել են այսօր՝ ողբերգական իրադարձությունների տարելիցին, որպեսզի ցույց տան, որ նույնիսկ 40 տարի անց հանցագործությունը չի մոռացվել:
1973 թվականին երկու ոստիկաններ կանգնեցրել էին մեքենան, որում եղել են Չեսիմարդն ու նրա մի քանի հանցակիցները: Այդ ժամանակ կինը «Սև ազատագրական բանակ» արմատական խմբավորման անդամ էր և արդեն գտնվում էր հետախուզման մեջ մի շարք հանցագործությունների համար, այդ թվում՝ բանակի կողոպուտի: Փոխհրաձգության հետևանքով իրավապահ մարմինների աշխատակիցներից մեկը վիրավորվել էր, մյուսը՝ սպանվել: 1977 թվականին նրան ձերբակալել էին ու դատապարտել ցմահ ազատազրկման, սակայն նրան հաջողվել էր փախչել բանտից: Վերջին անգամ նրան տեսել են Կուբայում՝ 1984 թվականին: Որոշ տեղեկություններով՝ նա կարող էր այնտեղ քաղաքական ապաստան ստանալ ու թաքնվել առ այսօր:
