Ռուսական TASS լրատվական գործակալության փոխանցմամբ՝ Ռուսաստանի կառավարությունը հաստատել է աշխատանքի առանձին տեսակների ցուցակը, որոնք 2016 թվականի հունվարի 1-ից արգելվելու են Թուրքիայի իրավասության ներքո գտնվող կազմակերպությունների համար։
Արգելքն առնչվելու է նաև Թուրքիայի քաղաքացիների կողմից վերահսկվող կազմակերպությունների գործունեությանը։ Այդ մասին հայտնել է Ռուսաստանի կառավարության մամլո ծառայությունը, որի հաղորդմամբ՝ այդ ցուցակում ընդգրկվել են շինությունների կառուցումը, ինժեներային կառույցները, շինարարական մասնագիտացված աշխատանքները, ճարտապետական ոլորտի գործունեությունը, ինժներա-տեխնիկական նախագծումը և մի շարք այլ ծառայություններ։
Դեկտեմբերի 24-ին էլ Ռուսաստանի վարչապետ Դմիտրի Մեդվեդևը հաստատել էր 53 գործատուների ու աշխատանքների պատվիրատուների ցուցակը, որոնց վրա 2016 թվականի հունվարի 1-ից տարածվում է Թուրքիայի քաղաքացիներին աշխատանքի վերցնելը։
