Այսօր Հանրապետության հրապարակից նախատեսվում էր սկսել «միլիոնանոց երթ», որի կազմակերպիչը ռեժիսոր Արշակ Զաքարյանն էր: Նպատակը մեկն էր՝ քաղաքացիական անհնազանդությունը հայտնել իշխող վարչակարգին: Սակայն մեկ միլիոնի փոխարեն Հանրապետության հրապարակում էր մոտ քսան մարդ և երկու ոստիկան:
Հավաքվածների մեջ էին Գարեգին Չուգասզյանը, Ժիրայր Սեֆիլյանը, Ալեք Ենիգոմշյանը, Անդրիաս Ղուկասյանը և այլք:
«Առաջին լրատվական»-ի հետ զրույցում երթի կազմակերպիչ Արշակ Զաքարյանն ասաց, որ այստեղ են բոլոր նրանք, ովքեր ունեն գաղափարական նմանություն, ուզում են ծանոթանալ իրենց գաղափարակիցների հետ, զրուցել և ելքեր փնտրել: Ինչ վերաբերում է երթին, նա ասաց, որ շաբաթ օրը հայտարարել է, որ «միլիոնանոց երթ» չի լինի. «Կարող էինք հինգ հազար հոգի այստեղ հավաքել, բայց իրար չլսել ու չհասկանալ, թե ինչ է պետք»,- հավելեց նա:
«Առաջին լրատվական»-ը զրուցեց հավաքի մյուս մասնակիցների հետ ևս։ Մանրամասները կարող եք դիտել տեսանյութում:
