Այսօր Ռուսաստանն ու Իրանը միջազգային ահաբեկչությանն ու ծայրահեղականությանը միասին դիմակայելու պատմական հնարավորություն ունեն: Այս մասին հայտարարել է Իրանի գերագույն առաջնորդի աշխատակազմի ղեկավարի տեղակալ Մոհսեն Կումին Մոսկվայում, գրում է RIA Novosti-ն:
«Տասնյակ տարիների ընթացքում մեր երկրների միջև փոխհարաբերությունները կարելի է բնութագրել որպես մտերիմ և բարիդրացիական: Այդ պատճառով էլ այսօր մենք պատմական հնարավորություն ունենք դիմակայելու միջազգային ահաբեկչության տարածմանը ոչ միայն Մերձավոր Արևելքում, այլև ամբողջ աշխարհում: Դա բխում է Մոսկվայի և Թեհրանի շահերից»,- ասել է Կումին:
Նրա խոսքերով` ՌԴ-ի և Իրանի իշխանություններն ու քաղաքացիները ունեն ոչ միայն ցանկություն, այլև մեծ պոտենցիալ արտաքին սպառնալիքների ու մարտակոչերի դեմ պայքարի համար: