Պերուի ԱԳՆ-ն դիմել է Էկվադորի կառավարությանը՝ հաստատելու դեսպանի հետ կանչումը Լիմայից՝ կապված խանութներից մեկում 2 պերուացի կանանց վրա հարձակվելու աղմկահարույց դեպքի հետ: Այս մասին հաղորդում է Էկվադորի մամուլը:
Այս կապակցությամբ Էկվադորի արտգործնախարարությունը հրապարակել է դեսպան Ռոդրիգո Ռիոֆրիոյի ներողությունը, ինչով էլ, փաստորեն, նա խոստովանում է մեղքը:
«Հրապարակայնորեն ներողություն եմ խնդրում բոլոր պերուացիներից այս անցանկալի իրավիճակի համար, որը ես չեմ հրահրել: Հաստատում եմ իմ ձգտումները՝ որպես Էկվադորի դեսպան շարունակելու աշխատել Պերուում երկկողմանի հարաբերությունների ամրապնդման ուղղությամբ, որը, բարեբախտաբար, գոյություն ունի մեր երկրների միջև»:
