Մեծ Բրիտանիայի արքայազն Ուիլյամն ավարտում է իր ծառայությունը ռազմաօդային ուժերում, որպեսզի հնարավորինս շատ ժամանակ անցկացնի ընտանիքի հետ: Այս մասին հաղորդում է Daily Mail-ը:
«Ամռանը Ուիլյամը կավարտի ռազմաօդային ուժերում իր ծառայությունը, որպեսզի հնարավորինս շատ ժամանակ անցկացնի Քեյթի և երեխայի հետ: Սպասվում է, որ երեխան կծնվի հունիսին: Ուիլյամը հրամանատարությանը արդեն հայտնել է ավիաբազայում իր ծառայությունը թողնելու մտադրության մասին: Դեռևս հայտնի չէ՝ կմնա՞, արդյոք, արքայազնը զինված ուժերի սպա, թե՞ իր ամբողջ ժամանակը կնվիրի արքունիքին»,- նշում է պարբերականը: