Շվեյցարական գիտահետազոտական EMPA ինստիտուտը տասը տարի աշխատել է ոսկու և մետաքսի համադրությամբ կտոր ստեղծելու վրա: Աշխատանքները վերջապես հաջողությամբ են պսակվել. ստացված կտորը 24 կարատ է մակնիշվում: Այս նյութից կարելի է զարմանալի աքսեսուարներ ստանալ, այն կարելի է նույնիսկ լվանալ:
Շվեդական Jakob Schlaepfer ընկերությունն արդեն ներմուծում է այն նորաձևության աշխարհ: Սահմանափակ քանակությամբ շարքի մեջ են մտել փողկապները, որոնց արժեքը 8500 դոլար է:
Եթե Եվրոպան իր հարստության ցուցադրության մեջ զուսպ է, ապա Մերձավոր Արևելքը չի ամաչում աշխարհին ցույց տալ իր շքեղությունը: ԱՄԷ-ում ցուցադրվել է ճապոնական բարձր տեխնոլոգիաների միջոցով ստեղծված ոսկե զգեստը: Դրա գինը Պարսկական ծովածոցի թագավորական ընտանիքներին բավականին հասանելի է՝ այն 1 000 000 դոլար արժե:
Ամերիկացի դիզայներ Զակ Պոզենը գերազանցել է այս գումարը: Նրա ստեղծած զգեստը 1,5 միլիոն դոլար արժե:
Ճապոնական նորաձևության Bunka քոլեջում ավստրիական 1500 ոսկեդրամներով ստեղծվել է մի զգեստ, որի արժեքը գերազանցում է 1,2 միլիոն դոլարը: Այն 18,5 կգ է կշռում:
Al Romaizan Jewelleryի ոսկե ժակետը նույնպես ապահոված մարդկանց համար հասանելի հագուստ է: Այն 3 կգ է կշռում և 147 հազար դոլար արժե:
