Հռոմի կառավարական Կիջի պալատի մոտ կրակ է բացվել կարաբիներների ուղղությամբ, ինչի հետևանքով կան տուժածներ: Դեպքը տեղի է ունեցել այն ժամանակ, երբ նախագահական՝ Կվիրինալի պալատում երդմնակալում էր Իտալիայի նախարարների նոր կաբինետը:Այս մասին հայտնում է RIA Novosti-ն՝ հղում անելով RaiNews 24 հեռուստաալիքին:
ԶԼՄ-ների տեղեկություններով՝ հնչել է 6-8 կրակոց: Տուժել են Կիջի պալատի շենքը հսկող երկու կարաբիներները:
ITAR-TASS-ը, հղում անելով Ansa գործակալությանը, հայտնում է, որ տուժածներից մեկը գտնվում է ծանր վիճակում: Նա պարանոցի վնասվածք է ստացել: Երկրորդ կարաբիները ոտքի թեթև վնասվածք է ստացել:
Կրակ բացող կոստյումով ու փողկապով տղամարդն անմիջապես վիրավորվել ու ձերբակալվել է իրավապահ մարմինների կողմից: Ենթադրվում է, որ կրակոցներն արձակվել են փոքր տրամաչափի ատրճանակից:
Իտալիայի նախագահ Ջորջո Նապոլիտանոն և նոր կառավարության անդամները ծանուցվել են տեղի ունեցած արտակարգ միջադեպի մասին:
Նախարարների նոր կաբինետը երդմնակալել է Դեմոկրատական կուսակցության ականավոր գործիչ Էնրիկե Լետայի գլխավորությամբ: Արարաղությանը մասնակցել է նաև պետության ղեկավարը: