Lenta.ru-ի փոխանցմամբ՝ Ռուսաստանի արտգործնախարար Սերգեյ Լավրովը հայտարարել է, որ Սիրիայի երկնքում «Սու-24» ինքնաթիռի միջադեպից առաջ երկրի նախագահ Վլադիմիր Պուտինը ռուսական ինքնաթիռի կողմից թուրքական օդային տիրույթի խախտման համար անձամբ ներողություն է խնդրել Թուրքիայի նախագահ Ռեջեփ Էրդողանից։
Լավրովն ընդգծել է, որ «Սու-24»-ի միջադեպի համար իրենք չեն տեսնում որևէ այլ բացատրություն, քան այն, որ Թուրքիան դրանով իսկ ցանկացել է ձախողել հակաահաբեկչական ջանքերը, դրանք դարձնել նվազ արդյունավետ։
Լավրովը չի բացառել, որ Թուրքիան այդ կերպ փորձած լինի Ռուսաստանին հարկադրել՝ դադարեցնել Սիրիայում իր աշխատանքները և անգամ ձախողել Սիրիայի քաղաքական գործընթացը՝ հենված Վիեննայի պայմանավորվածությունների վրա։
Հոկտեմբերի սկզբին Թուրքիան հայտարարել էր, որ ռուսական ինքնաթիռները խախտել են իր օդային սահմանը։