Սիրիայում և Իրաքում ԴԱԻՇ-ի կողմից կռվում են 86 երկրների վարձկաններ, իսկ դրանց ընդհանուր թիվը տատանվում է 27-31 հազարի սահմաններում: Soufan Group վերլուծական կենտրոնի այս տվյալները հրապարակել է The Straits Times-ը:
Ինչպես նշվում է, անցյալ տարվա հունիսին ԴԱԻՇ-ի շարքերում հաշվվել է մոտ 12 հազար արտասահմանցի զինյալ:
Բացի այդ, մասնագետների անցկացրած աշխատանքի արդյունքում «կարելի է վստահաբար ասել, որ իսլամիստների բացարձակ մեծամասնությունը մեկնում է Սիրիա և Իրաք՝ անմիջականորեն մասնակցելու համար ռազմական գործողություններին, ոչ թե այն բանի, որ նախապատրաստություն անցնեն և հետո վերադառնան հայրենիք՝ ահաբեկչություն իրականացնելու»: Այնուամենայնիվ, այսօրվա դրությամբ հայտնի է, որ մոտ 2,7 հազար ծայրահեղականներ վերադարձել են իրենց երկրները:
Տվյալ պահին ԴԱԻՇ-ի կազմում կռվում են Հարավարևելյան Ասիայի պետություններից 900 զինյալներ: Հիմնական մասը Ինդոնեզիայից են, Մալայզիայից, Սինգապուրից և Ֆիլիպիններից:
The Straits Times-ին տված հարցազրույցում Soufan Group-ի ղեկավարը նշել է, որ Հարավարևելյան Ասիայից զինյալների առանձնահատկությունը «այն է, որ նրանք ձգտում են վերադառնալ հայրենիք՝ այնտեղ սրբազան պատերազմ վարելու համար»:
